रिमेम्बरेन्स डे २०१२ कार्यक्रम र हाम्रो सहभागिता

बेलायत/ कार्डिफ,

११ नोभेम्बर २०१२ आईतवारका दिन ब्रिटिश लिजन कार्डिफ र कार्डिफ काउन्सिलको संयुक्त आयोजनामा रिमेम्बरेन्स डे २०१२ कार्यक्रम भब्य रुपमा सम्पन्न भयो| उक्त कार्यक्रमको अबसरमा वेल्स नेपाली समुदायको तर्फबाट भुतपुर्ब गोर्खा सैनिक, वहाँका परिवारका सदस्यहरुका साथै अन्य नेपाली दाजुभाई तथा दिदीबहिनीहरुको उल्लेख्य सहभागिता रहेको थियो|

दशैं-तिहार २०६९ कार्यक्रम भब्य रुपमा सम्पन्न

बेलायत / कार्डिफ ,१० नोभेम्बर २०१२, शनिवार,

हरेक बर्ष जस्तै यस वर्ष पनि वेल्स नेपाली समुदायले भब्य रुपमा दशैँ - तिहार २०६९ कार्यक्रम को आयोजना गरी कार्डिफ तथा वेल्समा  बसोबास गर्ने नेपालीहरु बीच एकता र भाइचारा लाई कायम राख्दै नेपाली परम्परा , संस्कृति र कलालाई जीवन्त राख्ने प्रयास गरेको छ।

कार्यक्रम कार्डिफको रोथ कन्जरभेटीब क्लबमा यही नोभेम्बर 10 तारिखमा सम्पन्न भएको थियो भने  आफ्नो कार्य ब्यस्थतालाई एकातिर पन्छाउदै सम्पूर्ण नेपालीहरुको उक्त कार्यक्रममा उपस्थिती थियो। तीन चरण मा विभाजित कार्यक्रम को पहिलो चरण संस्थाका सह-सचिव श्री महेश देवकोटा ज्यूले  कवितामय रुपले उपस्थित महानुभाबहरु लाई दशैं र तिहारको शुभकामना तथा कार्यक्रम को शुभारम्भ गर्नु भएको थियो। संस्थाका अध्यक्ष श्री पूर्ण चन्द्र लिङ्देन ज्यूले स्वागत मन्तब्य दिनु भएको थियो। त्यसैगरी संस्थाकी सह-कोषाध्यक्ष  श्रीमती लक्ष्मी अधिकारी ज्यूले दशैं -तिहार र यसको महत्व बारे अंग्रेजी भाषामा जानकारी  दिनु  भएको थियो।

बडा दशैं तथा शुभ दिपावली २०६९ को शुभ उपलक्ष्यमा वेल्स निवाशी सम्पूर्ण नेपाली

दाजूभाई तथा दिदीबहिनीहरुमा हार्दिक मंगलमय

शुभकामना ब्यक्त गर्दै यस पुनित अबसरमा

सम्पूर्ण नेपाली परिवारको शुख शान्ति

एबं समृद्धिको कामना

गर्दछौं |

संस्थाको दशैं+तिहार २०६९  कार्यक्रमको लागि  यहाँ क्लिक गर्नुहोस !

                                                 

-वेल्स नेपाली समुदाय, कार्डिफ 

दशैं-तिहार २०६९ कार्यक्रम भब्य रुपमा मनाउने तयारी

गत वर्षहरु जस्तै यस वर्ष पनि "वेल्स नेपाली समुदाय, कार्डिफ"ले आफ्नो कला र संस्कृतिलाई निरन्तरता दिने र वेल्स निवासी सम्पूर्ण नेपाली दाजू भाई तथा दिदीबहिनीहरुलाई भरपूर्ण मनोरंजन दिने उद्देश्यले यसपालिको दशैं र तिहारको उपलक्षमा विभिन्न सास्कृतिक कार्यक्रमका साथ  दशैं-तिहार २०६९ कार्यक्रम भब्य रुपमा मनाउने निधो गरेको छ | यस कार्यक्रममा वेल्स निवासी सम्पूर्ण नेपाली दाजू भाई तथा दिदीबहिनीहरुलाई उपस्थित भई दशैं-तिहार २०६९  कार्यक्रम सफल पार्न सहयोग गरिदिनुहुन र नेपाली चाडको भरपूर्ण मनोरंजन लिनु हुन् "वेल्स नेपाली समुदाय, कार्डिफ" हार्दिक अनुरोध गर्दछ|

हार्दिक समबेदना

१९/०६/१९४० - ०९/१०/२०१२ 

ल्यानरम्नी , कार्डिफ निवासी यस संस्थाका सदस्य तथा कोषाध्यक्ष  श्री बिभूषणमान श्रेष्ठ का पुजनीय माता श्रीमती हरि मायाँ श्रेष्ठ   को  ०९ अक्टोबर २०१२  का दिन नेपालमा ७२ वर्षको उमेरमा असामयिक निधन भएकोमा दिवंगत आत्माको चिर शान्तिका लागि ईश्वरसँग प्रार्थना गर्दै यस दु:खद धडिमा शोकसन्तप्त परिवार प्रति हार्दिक समवेदना प्रकट गर्दछौं।

- वेल्स नेपाली समुदाय, कार्डिफ

दोश्रो महाधिबेशन सम्पन्न

नयाँ कार्यसमिति 

२९ सेप्टेम्बर २०१२, शनिवारका दिन वेल्स नेपाली समुदाय, कार्डिफको दोश्रो महाधिबेशन सम्पन्न भयो| संस्थाका  अध्यक्ष श्री रबिन्द्र तुम्बाहाम्फेले अध्यक्षता गर्नुभएको उक्त कार्यक्रम सचिब  श्री रामचन्द्र पोखरेलले उपस्थित सम्पूर्ण सदस्य महानुभाबप्रति स्वागत तथा धन्यवाद ज्ञापन गर्दै शुरु भएको थियो| संस्थाका सदस्य महानुभाबहरुको उल्लेख्य मात्रामा  सहभागिता रहेको संस्थाको दोश्रो महाधिबेशनमा  सचिब श्री पोखरेलले संस्थाले पहिलो अधिबेशन देखि हालसम्म आयोजना गरेका कार्यक्रमहरु, संस्थाले वेल्समा रहेका अन्य सहयोगी संस्थाहरुसंग भाईचारा बढाउने अभिप्रायले सहयोग आदान प्रदान गरेका कार्यक्रमहरु, संस्थाले सदस्य तथा शुभचिन्तक महानुभाबहरुमा आपत विपत पर्दा गेका सहयोगहरुका बारेमा तथा संस्थासंग आबद्द हुनुहुने सम्पूर्ण सदस्य महानुभाबहरुको विवरण सहितको संस्थाको प्रगति विवरण पेश गर्नुभएको थियो|

चेलीहरुलाई तिजको दर खुवाउने कार्यक्रम भब्य रुपमा सम्पन्न

१५ सेप्टेम्बर २०१२ शनिवारका दिन नेपाली चेलीबेटीहरुको तीज पर्बको अबसरमा चेलीहरुलाई दर खुवाउने कार्यक्रम सम्पन्न भएको छ | नेपाली चेलीहरुको एउटा महत्वपूर्ण पर्बको रुपमा लिईने तीज पर्बमा वेल्सका विभिन्न क्षेत्रमा छरिएर रहनुभएका चेलीहरुलाई आफ्नो गाउँ/शहर र त्यहि गाउँ/ शहरमा हुने तीजको झझल्को मेटाउने र सकेसम्म रमाईलो बाताबरण तयार गर्ने उद्देस्यले वेल्स नेपाली समुदाय, कार्डिफले आयोजना गरेको यस कार्यक्रममा वेल्सका विभिन्न क्षेत्रबाट नेपाली दिदीबहिनीहरुको सहभागिता रहेको थियो | बिदेशी भूमिमा आएर पनि यसरि साथी संगी संग भेटघाट हुन र तीज मनाउन पाउँदा वेल्स नेपाली समुदाय प्रति आभार ब्यक्त गर्दै आफैमा गौरवान्वित देखिनुहुने चेलीहरु तीजको गीतमा दिल खोलेर नाच्न ब्यस्त देखिनुहुन्थ्यो |

वेल्स नेपाली समुदाय, कार्डिफको दोश्रो महाधिबेशन

वेल्स नेपाली समुदाय, कार्डिफको २० औं बैठकको निर्णय अनुसार संस्थाको दोश्रो महाधिबेशन यहि २९ सेप्टेम्बर २०१२ शनिवारका दिन दिनको ठिक १२.०० बजे शुरु हुने कुरा जानकारी गराउँदै उक्त महाधिबेशनमा सम्पूर्ण सदस्य महानुभाबहरुको उपस्थितिको लागि हार्दिक अनुरोध गर्दछौं |

चेलीहरुलाई तिजको दर खान निमन्त्रणा

गत बर्ष जस्तै यसपाली पनि नेपाली चेलीहरुको तिजपर्बको उपलक्षमा संस्थाले चेलीहरुलाई दर खुवाउने कार्यक्रम आयोजना गरेको छ | विभिन्न परिवेशले बिदेशिएका चेलीहरुलाई बिदेशमै रहे पनि आफ्नै देशको झझल्को दिलाउने र तीजको अबसरमा माईतिको भूमिका निर्बाहा गर्दै चेलीहरुलाई तीजको दर खुवाउने खबर सुनाउन पाउँदा वेल्स नेपाली समुदाय खुशी ब्यक्त गर्दै सम्पूर्ण वेल्स निवाशी चेलीहरुलाई तीज २०१२ कार्यक्रममा हार्दिक निमन्त्रणा गर्दछौं | यस कार्यक्रम चेलीहरुका लागि मात्र रहने र कार्यक्रममा चेलीहरुको लागि निशुल्क प्रबेशको ब्यबस्था मिलाईएको छ | उपस्थितिको लागि आ आफ्नो नामावली तल उल्लेखित चेलीहरु मार्फत यथासक्य चाँडो संस्थालाई उपलब्ध गराईदिनुहुन हार्दिक अनुरोध गरिन्छ |

समर बार्बिक्यु २०१२ कार्यक्रम भव्यरुपमा सम्पन्न

भर्खरैमात्र वेल्स नेपाली समुदायको आयोजनामा समर बार्बिक्यु २०१२ कार्यक्रम भव्यरुपमा सम्पन्न भएको छ| काम र अन्य व्यस्ततालाई केहि समय बिर्सिएर नेपाली पनमा रम्ने उद्देश्यले आयोजना गरिएको यस कार्यक्रम पूर्ण रुपमा एकापसमा भेटघाट र शुख दुखका अनुभब साटासाट गर्ने कोशे ढुङ्गोको रुपमा केन्द्रित रहेको थियो| कुनै फर्मल कार्यक्रम नरहेको यस कार्यक्रम पूर्ण रुपमा मनोरन्जनात्मक, परिचयात्मक र नेपाली बातावरणले ओतप्रोत रहेको हाम्रो बिश्वास छ| यस बर्षको हावापानी र समय परिबर्तनको बाबजुधपनि उल्लेख्य जनसहभागिता रहेको उक्त कार्यक्रम एक सफल कार्यक्रमको रुपमा लिईएको छ|

समर बि बि क्यु २०१२ सम्बन्धि जानकारी

सधै जस्तै यसपाली पनि संस्थाले समर बि बि क्यु २०१२ कार्यक्रम भब्य रुपमा आयोजना गर्ने निर्णय गरेको छ| काम र अन्य व्यस्ततालाई केहि समय बिर्सिएर नेपाली पनमा रम्ने उद्देश्यले आयोजना गरिएको यस कार्यक्रम पूर्ण रुपमा एकापसमा भेटघाट र शुख दुखका अनुभब साटासाट गर्ने कोशे ढुङ्गोको रुपमा केन्द्रित रहने छ|

जनचेतना मुलक कार्यक्रम सम्पन्न

वेल्स नेपाली समुदाय, कार्डिफले लागुऔषधले घर परिवार र समाजमा पार्न सक्ने समस्या र यसबाट बच्न अपनाउनुपर्ने उपायबारे जनचेतना दिने उद्देश्यले आयोजना गरेको लागुऔषध बारे जनचेतना मुलक कार्यक्रम भर्खरै मात्र सम्पन्न भएको छ| सँस्थाका कार्यसमितिका सदस्य श्री शिवजी श्रेष्ठको बिशेष अनुरोधमा नार्कोनन नेपालको राष्ट्रिय निर्देशक तथा अन्तराष्ट्रिय नार्कोननको तर्फबाट दक्षिण र दक्षिण पुर्बी एशियाको संयोजक तथा भू.पु.एस.एस.पि. श्री बसन्त राज कुँवर वेल्सको राजधानी कार्डिफमा आई लागुऔषधले घर परिवार र समाजमा पार्न सक्ने समस्या र यसबाट बच्न अपनाउनुपर्ने कदमबारे जानकारी तथा जनचेतना गराउनुभएको थियो|

नयाँ बर्ष २०६९ कार्यक्रमका भिडियोहरु

सिम्पल सिम्पल कान्छीको - बोलको गीतमा नृत्य गर्दै प्राजन र प्रान्जिल पोखरेल 

नयाँ बर्ष २०६९ कार्यक्रम भब्य रुपमा सम्पन्न

बढो हर्ष र उल्लासका साथ नयाँ बर्ष २०६९ साल लाई स्वागत गर्ने कार्यक्रम भब्य रुपमा सम्पन्न भयो| विभिन्न कार्यक्रमले सजिएको उक्त कार्यक्रममा वेल्सका विभिन्न क्षेत्रबाट आउनुभएका नेपाली महानुभाबहरुको सहभागिता रहेको थियो| बर्षमा कहिलेकाही यसरि भेटघाट भएर आफ्नो मातृभूमिलाई सम्झने र नेपाली दाजू भाई तथा दिदी बहिनिहरुलाई भेटघाट गर्ने रोमान्चित मौका पाउँदा सम्पूर्ण उपस्थित दाजू भाई तथा दिदीबहिनीहरु खुशीले गदगद हुनुहुन्थ्यो|

नयाँ बर्ष २०६९ को शुभ उपलक्ष्यमा वेल्स निवाशी सम्पूर्ण नेपाली दाजूभाई तथा

दिदीबहिनीहरुमा हार्दिक मंगलमय शुभकामना ब्यक्त गर्दै

यस पुनित अबसरमा सम्पूर्ण नेपाली

परिवारको शुख शान्ति एबं

समृद्धिको कामना

गर्दछौं |

‘नयाँ बर्ष २०६९’ कार्यक्रम सम्बन्धि जानकारी

सधै जस्तै यसपाली पनि विभिन्न सांस्कृतिक एवं मनोरंजनपूर्ण कार्यक्रमका साथमा नेपाली ‘नयाँ बर्ष २०६९’ लाई हर्ष र उल्लासका साथ स्वागत गर्ने अभिप्रायले आउँदो १४ अप्रिल २०१२ (०२ बैशाख २०६९) शनिवारका दिन वेल्स नेपाली समुदाय, कार्डिफले ‘नयाँ बर्ष २०६९’ कार्यक्रम भब्य रुपमा आयोजना गर्दैछ |

राष्ट्रिय सेन्ट डेविड्स दिबसमा हाम्रो सहभागिता र भुमिका

१ मार्च २०१२, बिहीबार, भर्खरै मात्र विभिन्न हर्ष र उल्लासका साथ कार्डिफ काउन्सिलको आयोजनामा “राष्ट्रिय सेन्ट डेविड्स दिबस” भब्य रुपमा सम्पन्न भएको छ। वेल्सको राजधानी कार्डिफमा “राष्ट्रिय सेन्ट डेविड्स दिबस” मनाउन भेला भएका विभिन्न समुदायका जनमानसमा आ-आफ्नो देशको राष्ट्रिय पोशाकले बडो अचम्म लाग्दो रौनक ल्याएको थियो भने हामी वेल्समा छौँ र वेल्सलाई मायाँ गर्छौं भन्दै वेल्सको राष्ट्रिय झन्डा र सेन्ट डेविड्सको झन्डा फर्फराउदै हसिलो मुद्रामा देखिएका सम्पूर्ण जन समुदाय अरु सबै कुरा बिर्सेर आफैमा रमेका देखिन्थे।

“राष्ट्रिय होलोकस्ट सम्झना दिन वेल्स २०१२” मा हाम्रो सहभागिता

२६ जनवरी २०१२ बिहिवारका दिन कार्डिफ काउन्सिलको आयोजनामा “राष्ट्रिय होलोकस्ट सम्झना दिन वेल्स २०१२” भब्य रुपमा सम्पन्न भयो। अंग्रेजी वर्ष १९३३ देखि १९४५ सम्म बिशेषगरि युरोपियन देशमा भएको उक्त भयानक हत्याकाण्ड कहिल्यै बिर्सन नसकिने घटना भएको सबैमा ठहर थियो। बिरलै मात्रामा पाईने मास हत्याकाण्डमा होलोकस्ट हत्याकाण्ड एक थियो भने उक्त हत्याकाण्डमा जम्मा जम्मी ११ मिलियन हत्यामा, ६ मिलियन जिविस जनता र १.१ मिलियन बच्चाबच्ची मारिएको अनुमान छ। नोकरशाही फासिस्ट शासन ब्यबश्थाले गरेको उक्त हत्याकाण्ड जातीय, प्रजातीय, धार्मिक, बैचारिक र राजनीनिक भिन्नता माथिको कहाली लाग्दो धम्कि थियो।