नयाँ बर्ष २०६९ कार्यक्रम भब्य रुपमा सम्पन्न

बढो हर्ष र उल्लासका साथ नयाँ बर्ष २०६९ साल लाई स्वागत गर्ने कार्यक्रम भब्य रुपमा सम्पन्न भयो| विभिन्न कार्यक्रमले सजिएको उक्त कार्यक्रममा वेल्सका विभिन्न क्षेत्रबाट आउनुभएका नेपाली महानुभाबहरुको सहभागिता रहेको थियो| बर्षमा कहिलेकाही यसरि भेटघाट भएर आफ्नो मातृभूमिलाई सम्झने र नेपाली दाजू भाई तथा दिदी बहिनिहरुलाई भेटघाट गर्ने रोमान्चित मौका पाउँदा सम्पूर्ण उपस्थित दाजू भाई तथा दिदीबहिनीहरु खुशीले गदगद हुनुहुन्थ्यो|
संस्थाका सह-सचिब श्री तेज नाथ दाहालले संचालन गर्नुभएको उक्त कार्यक्रमा अध्यक्ष श्री रबिन्द्र तुम्बाहाम्फे र कोषाध्यक्ष श्रीमती प्रितम कुमारी चेम्जोंगले

सम्पूर्ण उपस्थित महानुभाबप्रति नयाँ बर्षको शुभकामना ब्यक्त गर्नुभएको थियो भने नेपाली नांच, गान, कविता र मुक्तकले भरिपूर्ण उक्त कार्यक्रममा साँस्कृतिक कार्यक्रम लिएर प्रस्तुत हुनुभएको थियो बहिनी प्रसंशा कन्दंवा र बहिनीलाई सहयोग गर्ने कलाकारहरु हुनुहुन्थ्यो प्राजन पोखरेल, आयुष्मा श्रेष्ठ, प्रान्जिल पोखरेल, आयुष श्रेष्ठ, आभाष देवकोटा, प्रीति गुरुङ, पूर्णचन्द्र लिंग्देन, महेश देवकोटा, अस्मिता गुरुङ र रामचन्द्र पोखरेल |

श्री मोतीप्रसाद पुनको अगुवाइमा संस्थामा विभिन्न क्षेत्रमा योगदान पुर्याउनु हुने र विभिन्न क्षेत्रमा सफलता हासिल गर्ने व्यक्तित्वहरुलाई सम्मान गर्ने कार्यक्रम सम्पन्न भयो|

संस्थाका अध्यक्ष श्री रबिन्द्र तुम्बाहाम्फे द्वारा खदा ओडाएर सम्मान पाउने ब्यक्तित्वहरुमा डा. जीवन के. सी., श्रीमती शोभा पोखरेल र श्री शिबजी श्रेष्ठ हुनुहुन्थ्यो| त्यस्तै गरि संस्थाका संस्थापक अध्यक्ष श्री चित्र बहादुर राईज्युको कार्यकाल सफल रहेको खुशियालीमा संस्थाले आयोजना गरेको धन्यवाद तथा सम्मान कार्यक्रममा संस्थाका सचिब श्री रामचन्द्र पोखरेलले संस्थापक अध्यक्ष राईज्युको कार्यकाल एक सफल कार्यकाल रहेकोमा खुशी ब्यक्त गर्दै संस्थाको तर्फबाट धन्यबादको पत्र पढेर सुनाउनुभयो भने अध्यक्ष श्री रबिन्द्र तुम्बाहाम्फेद्वारा संस्थाको चिनो र संस्थाका सल्लाहाकार तथा उक्त कार्यक्रमका संयोजक श्री जस बहादुर कन्दंवाद्वारा प्रसंशा पत्र प्रदान गर्नुभयो|

संस्थापक अध्यक्ष श्री चित्र बहादुर राईज्युले आफ्नो कार्यकाल सफल पार्न सहयोग पुर्याउनुहुने सम्पूर्ण सदस्य महानुभाबहरु, कार्यसमितिका पदाधिकारी महानुभाहरु र अन्य सहयोगीहरुलाई हार्दिक धन्यवाद ज्ञापन गर्दै आफु यस संस्थालाई आबश्यक पर्ने कुनै पनि सहयोगका लागि सकेको सहयोग गर्न पछि नपर्ने जानकारी गराउनु भयो|

२ बैशाख २०६९ शनिवारका दिन रोथ कन्जरभेटिभ हलमा बेलुकी १९:०० बजे देखि २३:३० बजे सम्म भएको कार्यक्रमा सँस्थाका उपाध्यक्ष श्री पूर्ण चन्द्र लिंग्देनले कार्यक्रममा उपस्थित भई सहयोग गर्नुहुने सम्पूर्ण महानुभाबहरु र कार्यक्रम ब्यबस्थापनमा सहयोग पुर्याउनुहुने महानुभाहरु श्री शिवजी श्रेष्ठ (सजावट), श्री बिर बहादुर गुरुङ र श्री मोति प्रसाद पुन (खानपिन), श्री महेश देवकोटा र श्री अमृत घले (प्रवेश टिकट), सुश्री प्रसंशा कन्दंवा (साँस्कृतिक कार्यक्रम), श्री तेजनाथ दाहाल (कार्यक्रम संचालन), श्री कमल केशर चेम्जोंग (किनमेल) र श्री राम चन्द्र पोखरेल (कार्यक्रम ब्यबस्थापन) का साथै अन्य सहयोगीहरुलाई हार्दिक धन्यवाद ज्ञापन गर्नुभयो |

कार्यक्रमका अन्य फोटोहरु हेर्न तलको फोटोमा थिच्नुहोला