वेल्स नेपाली समुदाय, कार्डिफले लागुऔषधले घर परिवार र समाजमा पार्न सक्ने समस्या र यसबाट बच्न अपनाउनुपर्ने उपायबारे जनचेतना दिने उद्देश्यले आयोजना गरेको लागुऔषध बारे जनचेतना मुलक कार्यक्रम भर्खरै मात्र सम्पन्न भएको छ| सँस्थाका कार्यसमितिका सदस्य श्री शिवजी श्रेष्ठको बिशेष अनुरोधमा नार्कोनन नेपालको राष्ट्रिय निर्देशक तथा अन्तराष्ट्रिय नार्कोननको तर्फबाट दक्षिण र दक्षिण पुर्बी एशियाको संयोजक तथा भू.पु.एस.एस.पि. श्री बसन्त राज कुँवर वेल्सको राजधानी कार्डिफमा आई लागुऔषधले घर परिवार र समाजमा पार्न सक्ने समस्या र यसबाट बच्न अपनाउनुपर्ने कदमबारे जानकारी तथा जनचेतना गराउनुभएको थियो|
