बढो हर्ष र उल्लासका साथ नयाँ बर्ष २०७० साल लाई स्वागत गर्ने कार्यक्रम भब्य रुपमा सम्पन्न भयो| विभिन्न कार्यक्रमले सजिएको उक्त कार्यक्रममा वेल्सका विभिन्न क्षेत्रबाट आउनुभएका नेपाली महानुभाबहरुको सहभागिता रहेको थियो| बर्षमा कहिलेकाही यसरि भेटघाट भएर आफ्नो मातृभूमिलाई सम्झने र नेपाली दाजू भाई तथा दिदी बहिनिहरुलाई भेटघाट गर्ने रोमान्चित मौका पाउँदा सम्पूर्ण उपस्थित दाजू भाई तथा दिदीबहिनीहरु खुशीले गदगद हुनुहुन्थ्यो|
संस्थाका सचिब श्री राम चन्द्र पोखरेल र सह-सचिब श्री महेश देवकोटाले संचालन गर्नुभएको उक्त कार्यक्रमा अध्यक्ष श्री पूर्ण चन्द्र लिंग्देनले सम्पूर्ण उपस्थित महानुभाबप्रति नयाँ बर्षको शुभकामना ब्यक्त गर्नुभएको थियो भने नेपाली नांच, गान, कविता र मुक्तकले भरिपूर्ण उक्त कार्यक्रममा साँस्कृतिक कार्यक्रम लिएर प्रस्तुत हुनुभएको थियो बहिनी प्रिती गुरुङ र बहिनीलाई सहयोग गर्ने कलाकारहरु हुनुहुन्थ्यो आयुष्मा श्रेष्ठ, अस्मिता गुरुङ, सिमरन अधिकारी, मिनराज थापा, झरना के.सी., संदेश काफ्ले, सुस्मिता गुरुङ, विकल गुरुङ र उमेश थापा |
यसै अबसरमा संस्थामा विभिन्न क्षेत्रमा योगदान पुर्याउनु हुने र विभिन्न क्षेत्रमा सफलता हासिल गर्ने व्यक्तित्वहरुलाई सम्मान गर्ने कार्यक्रम सम्पन्न भयो| संस्थाका अध्यक्ष श्री पूर्ण चन्द्र लिंग्देन द्वारा खदा ओडाएर तथा फुलको गुच्छा बाट सम्मान पाउने ब्यक्तित्वहरुमा सुश्री शारदा गुरुङ र श्रीमति बिनिता भट्टराई हुनुहुन्थ्यो|
७ बैशाख २०७० शनिवारका दिन रोथ कन्जरभेटिभ हलमा बेलुकी १८:०० बजे देखि २३:०० बजे सम्म भएको कार्यक्रमा सँस्थाका उपाध्यक्ष श्री मोति प्रसाद पुनले कार्यक्रममा उपस्थित भई सहयोग गर्नुहुने सम्पूर्ण महानुभाबहरु र कार्यक्रम ब्यबस्थापनमा सहयोग पुर्याउनुहुने सम्पूर्ण सहयोगी महानुभाहरु टेक्निकल सपोर्ट - श्री तेजनाथ दाहाल, श्री शालिकराम काफ्ले, र श्री अमृत घले, खानपिन- बिर बहादुर गुरुङ, प्रवेश टिकेट- विभूषण श्रेष्ठ र बलराम अधिकारी तथा अन्य सहयोगीहरुलाई हार्दिक धन्यवाद ज्ञापन गर्नुभयो |
No comments:
Post a Comment