गत बर्षहरु जस्तै यस बर्ष पनि वेल्स नेपाली समुदाय, कार्डिफको आयोजनामा समर बार्बिक्यु २०१३ कार्यक्रम भव्यरुपमा सम्पन्न भयो | सेन्ट अल्बान्स रग्बी क्लबको प्राङ्गणमा आयोजना गरिएको उक्त कार्यक्रममा वेल्सका विभिन्न क्षेत्रबाट पाल्नुहुने नेपाली दाजुभाइ तथा दिदीबहिनीहरुको उल्लेख्य उपस्थिति रहेको थियो | यसै अवसर पारेर संस्थाले वेल्समा रहेका नेपाली संस्थासंग भाईचारा बढाउने उद्देश्यले वेल्स गोर्खा कम्युनिटी, कम्ब्रान संग फ्रेन्ड्ली फुटबल म्याचको आयोजना गरेको थियो |
