दशैं+तिहार २०७० कार्यक्रम भब्य रुपमा सम्पन्न

२ नोभेम्बर २०१३, शनिवार, वेल्स नेपाली समुदाय, कार्डिफको आयोजनामा नेपालीको महान चाडहरु दशैं र तिहारको बिचमा पारेर  दशैं + तिहार २०७०/२०१३ मनाउने कार्यक्रम भव्यरुपमा सम्पन्न भयो | बिदेशी भूमिमा रहे पनि आफ्नो संकृतिलाई आत्मसाथ गर्दै समय र परिस्थितिले जहाँ रहेर  जे गरे पनि आफ्नो मातृभूमिको कला र संस्कृतिलाई स्मरण गर्ने धेरै महत्वपूर्ण कार्यक्रमको रुपमा लिईएको यस दशैं+तिहार २०७०/२०१३ कार्यक्रममा वेल्सका विभिन्न क्षेत्रबाट नेपाली दाजूभाई तथा  दिदीबहिनीहरुको सहभागिता रहेको थियो | 

संस्थाका सचिब श्री राम चन्द्र पोखरेलले कार्यक्रममा उपस्थित सम्पूर्ण महानुभाबहरुलाई भर्खरै मात्र गएको दशैं पर्बले हामी सबैमा खुशी र रौनक छोडेर गएको र एकदमै नाजिकीएको तिहार पर्बले सबैमा शुखी र लक्ष्मी माताले सु-सम्पन्नताको दियो बालेर हामी सबैलाई अझ बढी रौनक थपिदिने आशा र विश्वासका साथ साथै यस शुखद अबसरमा हार्दिक मंगलमय शुभकामना दिदै कार्यक्रम शुरु गर्नु भएको थियो | नेपाली तथा वेल्सको रास्ट्रिय गानले रन्केको कार्यक्रमको बाताबरण अझ बढी रन्काउन सफल हुनुहुन्थ्यो श्रीमती शोभा राणा पोखरेल, श्रीमती सावित्री श्रेष्ठ र श्री राम चन्द्र पोखरेल | उहाँहरुले गाउनुभएको भएको " यो नेपाली शिर उचाली" बोलको गीतले सम्पूर्ण उपस्थित जनसमुदायको मुटु रास्ट्रियताले भुक्क फुलेको थियो |

कार्यक्रममा संस्थाका अध्यक्ष श्री पूर्ण चन्द्र लिंग्देन र वेल्स गोर्खा कम्युनिटी, कम्ब्रानका अध्यक्ष श्री नरेन्द्र लिम्बुले सम्पूर्ण उपस्थित महानुभाबहरु प्रति महान चाडको अबसरमा शुभकामना संदेश दिनुभएको थियो | संस्थाका जन-सम्पर्क सदस्य श्री जीवन के.सी. ले संचालन गर्नुभएको सांस्कृतिक  कार्यक्रममा विभिन्न सांकृतिक झलकहरु लिएर स्टेजमा आउनुभएको थियो भाई बहिनीहरु सुश्री प्रीति गुरुङ, श्री प्राजन पोखरेल, सुश्री सिमरन अधिकारी, सुश्री आयुष्मा श्रेष्ठ, श्री उमेश थापा, सुश्री प्रन्जिल पोखरेल,श्री समिर अधिकारी र सुश्री संजिता लिंग्देन |भाईबहिनीहरुको नाँचगानले दशैं+तिहार कार्यक्रम बढो रमणीय र उत्साहित थियो |तिहारको अबसरमा गाउँ घरमा हुने देउसी भैलोको चलन चल्तिलाई कायम राख्ने र हामी आफैमा रमाईलो गर्ने उद्देश्यले कार्यक्रममा देउसी भैलोको आयोजना गरिएको थियो | सदा भन्दा भिन्न तरिकाले खेलिएको यस पालिको देउसी भैलोमा बिशेष रोल खेलुहुने श्री अमृत घले, श्री प्रकाश गुरुङ र श्री शालिकराम काफ्ले प्रति संस्था हार्दिक आभार ब्यक्त गर्दछ | 

त्यसै अबसरमा वेल्स नेपाली समुदायले विभिन्न कार्यक्रमहरु आयोजना गर्दै आएको कार्यक्रम स्थल रोथ कन्जरभेटिभ क्लब संगको सम्बन्ध अझ बढी गाडा बनाउने र अहिलेसम्मको सहयोगको लागि धन्यवाद व्यक्त गर्नको लागि संस्थाको तर्फबाट कोथिमोड़ा खुकुरी रोथ कन्जरभेटिभ क्लबका मेनेजर श्री किथ फिल्लिप्सलाई स्टेजमा बोलाई हस्तान्तरण गरियो |

 

कार्डिफको रोथ कन्जरभेटिभ क्लबमा आयोजना गरिएको दशैं+तिहार कार्यक्रममा उपस्थित भई हाम्रा महान चाडहरु मनाउन सहयोग गर्नुहुने सम्पूर्ण सदस्य तथा शुभचिन्तक महानुभाबहरुप्रति संस्था हार्दिक आभार ब्यक्त गर्दछ |कार्यक्रम सफल पार्न विभिन्न क्षेत्रमा सहयोग पुर्याउनुहुने महानुभाबहरु श्री बिर बहादुर गुरुङ, श्री मति प्रसाद पुन, श्री अमर मल्ल, श्री उमेश थापा र युवा भाईहरु- खानपिन,श्री विभूषणमान श्रेष्ठ र श्री बलराम अधिकारी - टिकेट, श्री पदम पुन - अनुशाशन ब्यबस्थापन, श्री पूर्ण चन्द्र लिंग्देन - सपिंग, श्री श्याम गुरुङ, श्री रबिन्द्र तुम्बाहाम्फे, श्री प्रकाश गुरुङ, श्री मानधोज गुरुङ र अन्य महानुभाबहरु - हल सजावट तथा अन्य, श्री अमृत घले र श्री शालिकराम काफ्ले - संस्कृतिक कार्यक्रम ब्यबस्थापन, श्रीमान्/श्रीमती मानधोज गुरुङ, श्रीमान्/श्रीमती हर्क राई, श्रीमान्/श्रीमती विभूषणमान श्रेष्ठ र श्रीमान्/श्रीमती पूर्ण चन्द्र लिंग्देन - सेल रोटि ब्यबस्थापन, श्री जस बहादुर कन्दंवा - फोटोग्राफी  र श्री राम चन्द्र पोखरेल - कार्यक्रम ब्यबस्थापन लगायत अन्य सम्पूर्ण कार्यसमितिका महानुभाबहरु, सदस्य महानुभाबहरु र शुभचिन्तक महानुभाबहरुप्रति संस्था मुरी मुरी धन्यवाद ज्ञापन गर्दछ |       

 कार्यक्रमको अन्य फोटोहरुको यहाँ क्लिक गर्नुहोस  |

 

धन्यवाद |