कार्डिफमा ल्होसार पर्ब सम्पन्न !

०४/०१/२०१४ - तमु समुदायहरुको ल्होसार पर्वको अवसर पारेर वेल्समा बसोबास गरेका  तमु समुदायहरुले भर्खरै मात्र ल्होसार पर्ब मनाउने कार्यक्रम सम्पन्न गरेको छ | नेपालको विभिन्न चाडपर्बहरु मद्धे गुरुङहरुको महान पर्ब ल्होसार परम्परागत रुपमा मनाउदै आईरहेको तमु संस्कृतिमा आधारित पर्ब हो | तमु ल्होसार बिशेष गरि नेपाली पात्रो अनुसार पौष १५ का दिन भब्य रुपले मनाउने चलन छ | तमु भाषामा ल्हो भनेको बर्ग र छार भनेको नयाँ हो त्यसैले ल्होसारले नयाँ बर्ष जनाउछ | पुरानो बर्ग (सप्र्ही) प्ही  लाई बिदाई गर्दै नयाँ ल्हो ( घोडा) त बर्गको आगमनको उपलक्षमा नयाँ बर्षको रुपमा ल्होसार चाड मनाईन्छ |

श्री नर प्रसाद गुरुङ बाट शान्तिका प्रतिक भगवान बुद्धको पुजा आराधना गरेर शुरु गरिएको उक्त कार्यक्रममा कार्यक्रम संचालक श्री अमृत घलेले सम्पूर्ण उपस्थित महानुभाबहरुलाई आयोजक समितिको तर्फबाट ढिलै भएपनि क्रिसमस तथा ई.स.को  नयाँ बर्ष २०१४ को शुभकामना दिनुभएको थियो र साथमा ल्होसार पर्वको अबसरमा सम्पूर्ण नेपाली दाजु भाई तथा दिदीबहिनीहरुमा शुख शान्ति तथा सम्ब्रिद्दिको कामना गर्नुभएको थियो |

त्यस्तै  गरेर ल्होसार पर्वको अबसरमा शुभकामना संदेश दिनुहुने महानुभाबहरुमा कार्डिफ तमु आयोजक समितिको तर्फबाट श्री मान धोज गुरुङ, ब्रेकन बाट पाल्नुभएका रिटायर्ड मेजर गुप्त मान गुरुङ र कम्ब्रानबाट पाल्नुभएका श्री ईन्द्र बहादुर गुरुङ हुनुहुन्थ्यो |  

वेल्समा रहनु भएका तमाम तमु समुदायलाई समेट्दै एउट्टै छाता मुनि राखेर कार्यक्रम गर्ने जमर्को गरिएको कार्यक्रममा ३६५ दिनमा एक चोटी आउने तमुहरुको महान चाड हामी सबैको महान चाड रहेको र तमुहरुको आफ्नै पहिचानको लागि मनाईने यस्ता कार्यक्रमले भाबी सन्ततिमा सकारात्मक शिक्षा सिकाउने बिश्वास थियो |

कम्ब्रान, ब्रेकन र कार्डिफका तमु समुदायले संयुक्त रुपमा मनाईएको ल्होसार पर्वको प्रमुख आयोजक कार्डिफ तमु आयोजक समिति  रहेको कार्यक्रममा विभिन्न क्षेत्रबाट पाल्नुभएका कलाकार भान्जा भान्जिहरुले आफ्नो कला र संस्कृति झल्कने नृत्य प्रस्तुत गर्नुभएको थियो  त्यसको लागि उहाँहरु प्रति आयोजक समिति  मुरी मुरी धन्यवाद ज्ञापन गर्दछ |

कार्डिफमा यसरि आयोजना गरिएको यस ल्होसार पर्वमा वेल्स नेपाली समुदाय, कार्डिफ बाट हाम्रो निमन्त्रणा स्वीकारेर उपस्थित हुनुहुने संस्थाका अध्यक्ष श्री पूर्ण चन्द्र लिंग्देन र उहाँका परिवार र सचिब श्री राम चन्द्र पोखरेल र उहाँका परिवार लाई कार्डिफ तमु आयोजक समिति उपस्थितिको लागि हार्दिक आभार व्यक्त  गर्दछ | त्यस्तै गरि क्रस-बिबाह भएका हाम्रा गुरुङ समुदायका चेलीहरुलाई पनि हाम्रो निमन्त्रणा स्वीकारेर उपस्थित भईदिनुभएकोमा आयोजक समिति हार्दिक आभार ब्यक्त गर्दछ |     

त्यसै अबसरमा 1RGR  हाल डेमो कम्पनि ब्रेकनमा कार्यरत श्री तुल जंग गुरुङ ले M.C. प्राप्त गर्नु भएकोमा हर्ष ब्यक्त गर्दै उहाँलाइ खादा ओडाएर सम्मान गरियो |

कार्डिफको कन्जरभेटिभ क्लबमा आयोजना गरिएको उक्त कार्यक्रम बेलुकी १८:०० बजे शुरु गरि करिब २३:३० मा समापन गरिएको थियो | 

अन्तमा यस ल्होसार पर्वलाई सफल पार्न विभिन्न क्षेत्रबाट सहयोग पुर्याउनुहुने सम्पूर्ण महानुभाबहरु प्रति कार्डिफ तमु आयोजक समिति ह्रिदय देखि धन्यवाद ज्ञापन गर्न चाहन्छौं |

धन्यवाद !
- कार्डिफ तमु आयोजक समिति 

__._,_.___