यस्तो रह्यो यूरोप भ्रमण

नेपाली समाज वेल्स, यूकेका अध्यक्ष श्री राम चन्द्र पोखरेलको नेतृत्वमा ४७ जनाको जम्बो टोलिले बिशेष हर्ष र उल्लासका साथ यूरोप भ्रमण २०१८ भव्यताका साथ सम्पन्न गरेको छ | २० अगस्ट २०१८ सोमबारका दिन लण्डनको वेम्ब्लीबाट शुरु भएको उक्त भ्रमण Dover हुँदै Ferry को यात्रा मार्फत फ्रान्सको सिमाना Calais हुँदै यूरोप प्रवेश गरेको थियो भने भ्रमणको   पहिलो दिन बेल्जियमको Manneken Pis, Grand Place (Heart of Brussels), Automium र  बेल्जियमको अन्य भागहरु भ्रमण गरि फ्रान्सको Saint Avold स्थित 4 Star hotel Avenue de Fayetteville मा बास बसेको थियो |

भ्रमणको दोश्रो दिन जर्मनीको Black forest र Cuckoo clock को भ्रमण गरिएको थियो जुन ठाउँमा Black Forest बाट निकालिएको काठबाट कुकू, कुकू गर्ने घडी बनाईन्छ | जुन घडी संसार भर प्रख्यात छ  |  https://www.cuckoopalace.com

Black forest र Cuckoo clock को भ्रमण पछि स्विजरल्याण्डको Rhine Falls, Lucerne City Tour, Lion Monument & Chapel Bridges जस्ता विश्व विख्यात ठाउँहरुको भ्रमण गरिबेलुकी स्विजरल्याण्डको Engelberg स्थित 3 star hotel H+ Hotel Sonnwendhof मा गई बास बसिएको थियो |

भ्रमणको तेश्रो दिन स्विस ब्रेकफास्ट पछि Engelberg र  MtTitlis को रमणीय भ्रमण गरिएको थियो | केबलकार बाट यात्रा गर्नुपर्ने उक्त ३२३८ मिटर अग्लो पहाडमाथि जाँदा सौन्दर्यले भरिपुर्ण प्रकृति देख्दा जीवनका सबैकुरा भुलेको महसुश हुन्थ्यो | भ्रमण टोलीका सबै सदस्यहरु स्विजरल्याण्डको MtTitlis को हिउँमा चिप्लेटी खेल्न पाउँदा आफुलाई स्वर्ग पुगेको महसुस गर्थे |

 MtTitlis को रोमान्टिक भ्रमण पश्चात दिउसोको खाना खाई स्विजरल्याण्डकै अर्को अतिनै सुन्दर उपत्यका Interlaken को भ्रमण गरि Geneva तिर लागिएको थियो | जेनेभा स्थित United Nations building, Broken Chair https://www.myswitzerland.com/en-gb/broken-chair-geneve.html Flower clock र जेनेभा सहरको अन्य सुन्दर भू भागको भ्रमण गरिएको थियो |सुन्दर सहरको भ्रमण पश्चात बेलुकी स्विजरल्याण्ड र फ्रान्सको बोर्डर नजिकै रहेको Adagio Geneve Saint Genis Pouilly मा आई बास बसिएको थियो |

 आरामदायी रात पछि बिहानीको कन्टिनेन्टल ब्रेकफास्ट संगै भ्रमणको चौथो दिन शुरु गरिएको थियो भने करिब ६ घन्टाको लामो यात्रा पछि पेरिसमा रहेको सबैभन्दा अग्लो पर्यटकीय आकर्षण Eiffel Tower को भ्रमण गरिएको थियो  | Eiffel Tower को उचाई ३२४ मिटर रहेको छ भने यसको नामकरण  ईन्जिनियर Gustave Eiffel को थरबाट राखिएको हो, जसको कम्पनीले आइफल टावर डिजाईन र बनाउने काम गरेको थियो | दिन भरिको दौडा दौड र उकालो ओरालोले थाकेको शरीरलाई खानपान र केहि समयको आराम पछि भ्रमण टोलि Eiffel Tower को Illuminations तिर लागेको थियो | रातको ठिक १० बजे हुने उक्त Illuminations ले सबैलाई पेरिस सहरको आनन्दमा डुबाएको थियो | त्यसपछि बेलायतकी महारानी डायनाले उनको मृतु हुने दिन बेलुकी डिनर खाएको होटेल Ritz Paris को बाहिरी अबलोकन पछि उनको देहावसान भएको सुरुंगी मार्ग (Tunnel Pont de l'Alma)को अबलोकन  संगै पेरिस सहरको अन्य सौन्दर्यतालाई नियाल्दै बेलुकी करिब १२ बजे तिर होटेल तर्फ प्रस्थान गरिएको थियो |

4 Star hotel - Hotel Novotel Paris Orly Rungis को आरामदायी बसोबास र बिहानीको कन्टिनेन्टल ब्रेकफास्ट पछि भ्रमणको पाचौं दिन पेरिसको Seine River Cruise तिर लागिएको थियो | करिब डेड घन्टाको क्रूजमा भरपूर्ण रमाईलो पछी पाँच दिने भ्रमणलाई बिट मार्दै २४ अगस्ट सुक्रवारका दिन बेलायत तर्फ लागिएको थियो आफ्ना समाजमा रहेका आमा, बुवा, दाजुभाई तथा दिदिबहिनिहरूमा केहि नौलो खालको कार्यक्रम आयोजना गर्ने उदेस्य अनुरुप आयोजना गरिएको यस भ्रमणमा ५ दिन ४ रातको लागि लन्डन हुदै बेल्जियम, जर्मनी, स्विजरल्याण्ड र फ्रान्सका मुख्य भागहरुको राम्रो भ्रमण गरिएको थियो | संस्थाका अध्यक्ष श्री राम चन्द्र पोखरेलको संयोजकत्वमा भएको यस भ्रमणलाई बडी प्रभाबकारी बनाउनको लागि टिम लिडरहरु श्री अमृत घले, श्री पूर्ण चन्द्र लिम्बु र श्री अमर मल्ल चयन गरिएको थियो भने भ्रमणमा मेडिकल सम्बन्धि आबस्यक हेरविचारको लागि श्रीमती शोभा राणा पोखरेललाई जिम्मा दीईएको थियो | 

भ्रमणमा उत्साहपुर्बक सहभागी हुने आदरणीय महानुभाबहरुको नामावली निम्न प्रकार छ: भोलामान गुरुङ, दुर्गादेवी गुरुङ, राम चन्द्र गुरुङ, मिश्रा गुरुङ, राम चन्द्र पोखरेल, शोभा राणा पोखरेल, प्रान्जिल पोखरेल, प्राजन पोखरेल, मेम कुमारी मल्ल, खैमति पुन, बिर बहादुर गुरुङ, गम सुभ गुरुङ, बिरा शंकर राई,  पूर्ण चन्द्र लिम्बु, दिर्घा मायाँ गुरुङ लिम्बु, गौ प्रसाद गुरुङ, कमला देवी गुरुङ, अमृत घले, राधा घले, अमृता मायाँ गुरुङ, कुमारी गुरुङ, पवित्रा गुरुङ, कल्पना कन्दंवा, भिस्म कन्दंवा, रबिन्द्र बहादुर लिम्बु तुम्बाहाम्फे, सशी प्रभा तुम्बाहाम्फे, सुस्मा सम्बाहाम्फे, सन्जोग सम्बाहाम्फे, साजन सम्बाहाम्फे, सिता राई, गंगा राई, नेत्र मायाँ सुनुवार, मुलुकराज राई, कुमारी राई, देवी थापा, कल्पना श्रेष्ठ, कमला थापा, अमर धोज मल्ल, मन मायाँ लिम्बु, बिप्लभ लिम्बु, बिबेक लिम्बु, बम बहादुर लिम्बु, प्रदिप सुबेदी, पवित्रा बोहोरा, राम कुमार श्रेष्ठ, गीता धौबाडेल र सप्त लच्छि राई | भ्रमण टोलीका सम्पूर्ण आदरणीय महानुभाबहरुमा भ्रमण सफल पार्न यहाँहरुले खेल्नुभएको भूमिका प्रति हार्दिक धन्यवाद ज्ञापन गर्दै भ्रमण टोलीका म्यानेजर रमाकान्त र क्याप्टेन टोम प्रति उहाँहरुले दिनुभएको प्रतेक सहयोग र मिठास व्यवहारप्रति हार्दिक कृतज्ञता ब्यक्त गर्दछौं |

धन्यवाद 
नेपाली समाज वेल्स, यूके