६ जुलाई २०१८, शनिवार - बिगतका बर्षहरुझैँ यस बर्ष पनि नेपाली समाज वेल्सको आयोजनामा समर बार्बिक्यु कार्यक्रम सम्पन्न भयो । वेल्समा रहनु भएका नेपाली दाजुभाई तथा दिदीबहिनीहरुको भेटघाट र आपसी भलाकुसारी र साथीभाईहरुसंग रम्ने कार्यक्रमको रुपमा लिईएको यस कार्यक्रम ST.
Albans Rugby Football Club, Tremorfa Park, Cardiff मा आयोजना गरिएको थियो ।
उक्त कार्यक्रममा वेल्सका साथै इंगलण्डका विभिन्न क्षेत्रबाट पाल्नुहुने नेपाली दाजुभाइ तथा दिदीबहिनीहरुको उल्लेखनीय उपस्थिति रहेको र मौसमले पनि राम्रो साथ दिएको थियो । दिनको करिब १२ बजे शुरु भएको यस समर बार्बिक्यु कार्यक्रम विभिन्न कार्यक्रमका साथ बेलुकी करिब ७ बजे समापन भएको थियो । 
कार्यक्रममा सामेल भई सहयोग गर्नुहुने वेल्स निवासी सम्पूर्ण नेपाली दाजुभाई-दिदीबहिनीहरु, निमन्त्रणा स्वीकार गरि कार्यक्रममा पाल्नुहुने सम्पूर्ण पाहुना बर्ग र कार्यक्रम भब्य रुपमा सफल पार्न आ-आफ्नो क्षेत्रबाट प्रत्यक्ष तथा अप्रत्यक्ष सहयोग पुर्याउनुहुने सम्पूर्ण सदस्य तथा शुभचिन्तक महानुभाबहरु बिशेष गरी शोभा राना पोखरेल,लक्ष्मी केसी अधिकारी,प्रकाश गुरुङ,पदम पुन,निरलाल मोक्तान,श्याम गुरुङ,बिभुसनमान श्रेष्ठ,अमृत घले, राधा घले, राम चन्द्र पोखरेल, बल राम अधिकारी, पूर्ण चन्द्र लिम्बु प्रति संस्था हार्दिक आभार तथा कृतज्ञता ज्ञापन गर्दछ । आगामी दिनहरुमा पनि यस्तै गरि सहयोग र सदभाब आदान प्रदान भईरहने छ भन्ने कुरामा संस्था विश्वस्त छ ।
धन्यवाद !
नेपाली समाज वेल्स ।
No comments:
Post a Comment