नेपाली समाज वेल्स यूकेको आयोजनामा बार्षिक खेलकुद कार्यक्रम सम्पन्न भएको छ। कार्डिफको भिक्टोरिया पार्कमा आयोजना गरिएको उक्त कार्यक्रममा वेल्सका विभिन्न क्षेत्रबाट नेपाली दाजु भाई तथा दिदिबहिनीहरुको राम्रो सहभागिता रहेको थियो।
कार्यक्रममा स्वास्थ्य जीवन शैली सम्बन्धि जनचेतना एवं उत्प्रेरणा अभिब्रिद्दी हर्ने उदेश्यले बिभिन्न खेलकुदहरु समाबेश गरिएको थियो।
अध्यक्ष श्रीमती लक्ष्मी कि सीले स्वास्थ्य जीवन शैलीका लागि संस्थाको यस प्रयासमा समय मिलाएर कार्यक्रममा सहभागी सबैको अमुल्य योगदान प्रति हार्दिक कृतज्ञता व्यक्त गर्दै संस्थाको कार्यक्रममा भएको भब्य सहभागिताले काम गर्ने हौसला अझै बढेकोमा खुशी व्यक्त गर्नु भयो।
बार्षिक खेलकुद कार्यक्रमका संयोजक श्री श्रीराम थापा मगरले उपस्थित सबैमा सेफ्टी ब्रिफिंगका साथ कार्यक्रममा खेलिने बिभिन्न खेलका बारे प्रकाश पार्नुभएको थियो।
महिला, पुरुष तथा साना भाई बहिनिहरुलाई समेत समाबेश गरेर बिभिन्न खेलहरु: भलिवल, फुटवल, दौड लगायतका खेलकुदहरु राखिएको थियो भने यी खेलहरुको समन्वय श्री श्रीराम थापा मगर, श्री राम दत्त मिश्र र श्री उमेश थापाले गर्नु भएको थियो।
बिहान १० बजे शुरु भएको बार्षिक खेलकुद कार्यक्रम बिभिन्न खेलकुद पछि रिफ्रेशमेन्टका साथ दिनको २:३० मा समाबेश गरिएको थियो।
कार्यक्रमलाई भब्य रुपमा सफल बनाउन प्रत्यक्ष अप्रत्यक्ष सहयोग पुर्याउनु हुने सम्पूर्ण सहभागी तथा सहयोगीहरु प्रति नेपाली समाज वेल्स, यूके हार्दिक धन्यवाद ज्ञापनका साथ हार्दिक आभार व्यक्त गर्दछौं।
धन्यवाद ।
No comments:
Post a Comment