कार्डिफ - १५ जुन २०२४, शनिवार - बिगतका बर्षहरु जस्तै यस बर्ष पनि नेपाली समाज वेल्स यूकेको आयोजनामा समर भेटघाट तथा बार्बिक्यु कार्यक्रम सम्पन्न भएको छ । नेपाली समाज वेल्स, यूकेका सदस्य एवं शुभचिन्तकका साथै वेल्सका विभिन्न क्षेत्रमा रहनु भएका नेपाली दाजुभाई तथा दिदीबहिनीहरुबिच भेटघाट एवं आपसी भलाकुसारीका साथ बृहत रुपमा समर भेटघाट तथा बार्बिक्यु कार्यक्रम सम्पन्न भएको हो।
कार्डिफको सेन्ट अल्बान्स रग्बी क्लब, ट्रीमोर्फामा आयोजना गरिएको उक्त कार्यक्रममा वेल्सका विभिन्न क्षेत्रबाट नेपाली दाजुभाइ तथा दिदीबहिनीहरुको बृहत सहभागिता रहेको थियो । दिनको करिब १ बजे शुरु भएको यस समर बार्बिक्यु कार्यक्रम विभिन्न कार्यक्रमका साथ बेलुकी करिब ६ बजे समापन भएको थियो।
व्यस्त समयको बाबजुदपनि यस कार्यक्रममा सामेल भई सहयोग गर्नुहुने सम्पूर्ण दाजुभाई तथा दिदीबहिनीहरु प्रति नेपाली समाज वेल्स, यूके हार्दिक आभार व्यक्त गर्दछौं। साथै कार्यक्रम भब्य रुपमा सफल बनाउन आ-आफ्नो क्षेत्रबाट प्रत्यक्ष तथा अप्रत्यक्ष सहयोग पुर्याउनुहुने सम्पूर्ण सदस्य तथा शुभचिन्तक महानुभाबहरु प्रति संस्था हार्दिक कृतज्ञता व्यक्त गर्दै बिशेष धन्यवाद व्यक्त गर्दछौं।
No comments:
Post a Comment